Nuwe Fe(III) Schiff -basis ONO-ligand komplekse wat bestudeer is vir die katalise van organiese reaksies

Novel Fe(III) Schiff base ONO-ligand complexes studied for the catalysis of organic reactions

Abstract

Organiese chemie is ’n belangrike veld in die industrie en is gefokus op die sintese van koolwaterstowwe. Hierdie belangrike klas van molekules staan sentraal in die farmaseutiese en petroleumindustrie. Daar is ’n groot aantal reaksies op hierdie gebied wat afhanklik is van die gebruik van katalisators. Sommige van hierdie katalisators is gebaseer op skaars en dus duur metale soos rutenium en nikkel. Indien hierdie katalisators dus vervang wil word deur nuwes met soortgelyke kenmerke teen ’n laer prys, sal die eerste plek om te soek in dieselfde groep op die periodieke tabel wees – maar dan ’n metaal wat oorvloedig beskikbaar is. Dit vestig ons aandag dus op yster wat in dieselfde groep as rutenium lê.